ГӏалгӀайче кийчъелар панкратионах Чемпионат, СКФО Хьалхале дӀаяхьа
06.02.2026 11:38
Укх деношка ГӏалгӀайчен болх вӏашагӏболлара йола комитет кийчо йир панкратионах йоккхача кхетаченга - Чемпионатага, Къилбаседа Кавказа федеральни куран Хьалхаленга.
Йовлой Берда цӀерагӀча «Магас» спорта Цӏен даькъ тӀа хьайийллар кхетаче, цхьан майдан тӀа гулвелар 1000 спортсмен. Кхетаче дӀахьош, ГӏалгӀайчен спорта министра Белхарой Руслана, Россе панкратиона Федераце президента Климов Константина дийцар цунца дувзаденна хаттараш, иштта дӀаяхьа езача яхьах.
Шинна а оагӀоно терко тӀаяхийтар дика хьалаш хьакхоллара, доакъашхошта шоашта санна, цига баьхкача наха а тренерашта а.
«Мехка спортивни вахаре сийрда кхетаче а, иштта кагирхошта юкъе из йоаржаяра йола таро а я панкратиона яхь», - аьлар мехка спортивни боахаме.
