Гӏалгӏайче кийчлуш я «Дошо Гӏала» яха Хӏӏ-гӏа кинофестиваль дӏаяхьа
Гӏалгӏайчен культуран, туризма Министерстве балха кхетаче хилар, цига дийца керттера дош дар «Дошо гӏала» яха Хӏӏ-гӏа Халкъашта юкъера кинофестиваль дӏаяхьа кийчо яр. Кхетачене дийцар материально-технически ӏалашо ярах, викалаш тӏаэцарах, киномайдаш кийчъярах. Кхетачен чаккхе хилар цига де дезар белгалдеш, лоархӏаме план-график оттаеш. Иштта йоккха терко тӏайохийташ дийцар лоархӏамедар - кинофорум дика дӏаяхьар, халкъашта юкъера цӏи йолаш ше ма хиллара.
Даькъастен, Къулбехьен федеральни куран йоккхагӏа йола «Дошо гӏала» яха кинофестиваль дӏахьоргья Гӏалгӏай мехка ардара бетта 25-ча денгара 28-ча денга кхаччалца. Укх наькъа цу культуран кхетачене гуллургба, российски санна дунен а кинематографе дика бовзаш бола артисташ, режиссёраш, продюсераш, сценаристаш, критикаш. Лаьрххӏа йола цӏи лургья цу фестивала карарча шера халкъашта юкъера хьал доаржадара, цу юкъе хургба Туркий мехкара викалаш, иштта юкъедоахаргда TV BRӏCSо новкъостал дара хьалаш.
Цу кхетачен лаьрххӏа йола оагӏув дӏаяхьа лерхӏ Наьсарен-Шахьаре, къаьстта цига хьа а елларгья, дӏа а къовларгья фестиваль. Ийс даькъах латта программа гойтаргья республикан дукхача шахьарий, кхалений киномайдаш тӏа.
