Ерригача Россе гӀаш лелача наьха ди дездеш я вай республика
02.11.2024 09:33
Ерригача Россе дӀахьош дола гӀаш лелара ди хьаллоацаш, кхетаченаш йир укх бетта вай мехкарча дешара, спорта моттигашка.
Из хоам «Сердалога» бир спорта гӀулакхех йолча Министерствон болхлоша.
«ДӀабахача бетта 10-ча дийнахьа хьаллаьцар из гӀулакх Кадетски корпусо. Массехк ди даьлча, цу яхьашта юкъебаьхкар Яндарера, Буро кӀалхара дешархой. ДӀабахача бетта 19-ча, 20-ча деношка «Башлоам», «Аьрзи» яхача хоккейни тоабашка хьаллаьцар из гӀулакх дуккханеша», - йоах тхога бенача хоамо. Из боккха болам дӀахьош, хьалхаэттар физически культурахи спортахи йола, дешара гӀулакхех йола министерствош.
