ГӏалгӀайчено аргӀанара гуманитарни мухь бахьийтар Токмакски кхаленна
02.06.2025 19:12
ГӏалгӀайчено терко йоацаш йитац Запорожски областа Токмакски кхале, дӀахо а эшачунца новкъостал деш.
Иштта, мехка кулгалхоша керда гуманитарни новкъостал дир, гӀишлон материалаш, гӀирсаш, лаьрххӀа дола дувхар дохьийташ. Мухь гулбеш, теркалдир моттигерча бахархошта дукхагӀа эшаш дар, гӀишлон балхаш дӀадахьара, вахарца ювзаенна моттигаш тоаяра.
«Цига болх беш болча вай говзанчаша шоашта могар ду цун гӀишлош, вахара хьалаш меттаоттаде гӀерташ.
Дика новкъостал ду моттигерча бахархошта шоай массазара вахара хьалаш царга юхакхачийтара», - аьлар ГӏалгӀайчен кулгалхочо Келаматанаькъан Махьмуд-Ӏаьлас.
