ГӏалгӀайче дакъа лоацаш хургья «Цӏе поацолг» яхача Ерригроссийски боламе
ГӏалгӀайче юха а чӀоагӀдеш я ше мутӀахьа хилар, сий лорадара, шоайла новкъостал дара Ӏадаташта. Республика дакъа лоацаш хургья «Цӏе поацолг» яхача хӀара шера дӀахьош болча Ерригроссийски боламе. Бекарга бетта 10-ча денгара аьтинга бетта 22-ча денга кхаччалца мехка бахархой таро хургья цу дикача гӀулакха юкъе дакъа лаца. Цхьайттлагӏа шу да «Ноахала дагалоаттам» яхача дика гӀулакхаш леладеча ганзо из болам дӀахьу, из лаьрхӀа ба ветеранашта уж бахача адресах лорий новкъостал лоаттаде.
Болх дика вӀашагӀбеллаб, къаьгга хургболаш. Хӏара безам болчун таро я цӀеча зиза кеп тӀайола седкъилг хьаэца, шийгара дика гӀулакх дара. Из хозала белгало яц. Из я, дийначар вахар кӀалхардоаккхаш, бейнарий дагалоаттама белгало. Новкъостал лоаттаду Сийлахь-боккхача Даьймехка тӀема турпалхошта, тӀема ветеранашта, тайп-тайпарча шерашка Даьхен хьашташ кхоачашдеш хьабаьхкача.
ГӏалгӀайче уж седкъилгаш дӀадекъаш ба хьинардараш, волонтёраш, уж го йиш я шахьара майдашка, урамашка. Иштта цӀе поацолг корадергда дика йовзаш йолча тикашка, Россе Почта доакъошка.
Боламе дакъа лацар - из вайх хӀаране таро я, шийна хетар дешашца аьнна а ца Ӏеш, гӀулакхаца гойта. Наькх тӀа боалла зӀамига седкъа - из боккха дагалоаттам ба, вай вахар маьрша хилийта гӏерташ, шоай цӀий кхо ца даьча бӀухоех.
