Наькъаш деча даькъе хьалхале лелаеш я Гӏалгӏайче
Укх тӏехьарча ялх шера, 400 километрал совгӏа наькъаш да вай мехка тоадаьраш. Наькъий хьал тоадалара тӏехьа, ерригача Россе субъекташта юкъе хьалхадаьннарех да ала йиш йолаш да вай тахан. Цу оагӏонцара болх дикка тоабаьча Россе пхе моттига юкъе ба вай мохк, хӏаьта Къилбаседа Кавказе хьалхара моттиг йоаккхаш да вай.
«Ялх муниципальни моттигера наькъаш тоадаро дешархой кхерамзлен хьалаца дувзаденнараш меттадоаладу эггара хьалха, иштта дӏабаха паргӏатагӏа я наха, мехкарча экономикан хьалаца а лоархӏаме болх ба из. Из болх дикка дӏахохьош къахьегаргда мехка», - белгалдир республикан Кулгалхочо.
2019-ча шергара 2025-ча шерга кхаччалца йолча хана, мехка меттадоаладаьраш 530,6 км кхоачаш наькъаш да. Цу юкъе эггара доккхагӏа дола дакъа Магӏалбика кхалено дӏалоац – 158 км никъ ба цига меттабоалабаьр. Наьсаре, Наьсареy кхале – 138 км, Шолжа-Шахьаре, Шолжа кхале – 108, 2 км.
Наькъашка иштта беркате хувцамаш хилар доккха совгӏат лархӏа мегаргдолаш да тахан.
