Ворхӏлагӏа шу да Гӏалгӏайче «Дагалоаттама беш» яхача болама юкъе йола
15.04.2026 11:43
«Дагалоаттама беш» яха халкъашта юкъера болам дӏахьош ба Эбарга-Юртара берий цӏен-интерната даькъ тӏа, яхаш, дийцар «Сердало» газетага ӏалам лорадеча республикан боахаме.
«Из болам дӏахьош, Гӏалгӏайче дӏайогӏаргья къахььэсти, гӏиринг, кхыйола гаьнаш; уж я, вайцигара ӏалам мегаш а, дӏалатара тӏера а йола 150 чӏоагӏа га. Цхьа ха яьлча, уж гаьнаш ягӏаш хиларах салоӏама моттиг а хургья цига, цӏена фо а хургда», - аьлар ГӏР ӏалама Министерстве.
Доазув баьццардерзадеш йолча болама юкъе дакъа лоацаш, наха хьагойт Сийлахь-боккхача тӏем тӏа бейнача наьха шоаш сий деш хилар. Иштта цар мах баь варгвоаца дакъа юкъедахь экологически кхерамзлен ӏалашо яра.
