Гӏалгӏай мохк чубоагӏа, экологически хьал дикагӏа долча моттигашта
Гӏалгӏайче дикагӏчарех цаӏ я, РФ моттигашта юкъе ТАССа 2025 шера гойтача экологически хьалага диллача. Из хьал дикагӏа долчарех я Липецки, Московски, Челябински областаш; Къарший-Черсий, Нохчий Республикаш. Гӏалгӏай Республика а царна юкъейоагӏаш я. Цунна чудоагӏаш да къаман проекташ кхоачашъяр, гонахьара ӏалам дика хилар, мехка экологически политика пайда боалаш хилар.
Республикан кулгалхочо Келаматанаькъан Махьмуд-ӏаьлаc лакхара толамаш дувзадир, цахаддаш цу лостамагӏа беш болча балхаца.
«Гӏалгӏайче цу даькъ тӏа лакха толамаш доахаш йола хӏанз шоллагӏа шу да. Тов бетта кассага гӏолла уж кхоачашъяр 100 процент хилар, хӏаьта мехка гӏолла из да 55% дукхагӏа», - аьлар цо.
Мехкадас белгалдир, Гӏалгӏайче 2026 шу экологе Шу да, аьнна. Иштта, экологически хьал кхы дикагӏа тоаде лерхӏаш да, бӏеха хиш цӏендеш дола балхаш дӏахо а хьош.
Лоархӏаме да, «Экологически дика таронаш» яха къаман проект республике кхоачашъеш хилар, из бахьан долаш кхоъ ца йоагӏача хинна кхалаж дӏаяьккхай, меттаоттабаьб шиъ ӏам, иштта Магасерча Шолжа хин хьал тоадаьд, хӏаьта хьу меттаоттаяра моттиг 436 гектар дукхагӏа яьй. Цул совгӏа, ийцай хьунагӏара цӏи йоаяра йола техника, контейнераш ӏалашъяьй къаьстта нувхаш лелаергйолаш, иштта хьун фу кийчдаьд.
