«Вӏашагӏъийнача къовсамий яхь 133» хургья вай мехка
15.01.2026 09:02
Укх шера эггара хьалха дӏахьоргья вайцига «БЕТСИТИ FӏGHT NӏGHTS 133» («Вӏашагӏъийнача къовсамий яхь 133») ММА - лиган Россе турнир. Из хоам «Сердалога» бир мехкарча спорта гӏулакхех йолча Министерствон зарбан болх лелабеча Гӏаппархой Аишас.
Саькура бетта 13-ча дийнахьа Йовлой Берда цӏерах йолча спорта Двореце дӏаяхьа лерхӏ 1 000 000 доллар гран-при йола турнир. Латаргбараш ба «Гӏалгӏай Халкъ» оала Цӏолой Бабули, Буторин Максим.
Вай мехкахо лакха говзал йолаш, низа дика чӏагӏвенна спортсмен ва. Латара юкъе ший тайпара оамалаш йолаш вола из цӏихеза ва тахан. Иштта моллагӏча халон духьалъотталуш ва, аьнна, цӏи йоаккхаш ва Буторин а.
