ГӏалгӀай дешархой- «АгроНТРИ-2026 шу» яхача халкъашта юкъерча яхье котбаьлар
ГӏалгӀай дешархой котбаьлар «АгроНТРИ-2026» Халкъашта юкъерча конкурса хьалхарча бӏалах,яхаш, дийцар «Сердало» газетага берий хьехамчаша.
«Республикански берий «Кванториум» яхача технопарке Ӏомалуш бола Поаланкой Абдул-Малик, Йовлой Ахьмад, Разаков Руслан, Йовлой Билал дика чакхбаьлар «АгроНТРИ-2026» яхьа Ерригроссийски заочни даькъах, цо вӀашагӀтехар ерригача Россера 11-17 шу даьннараш.
Яхь дӀахьош я 9 оагӀонца, вай дешархоша хержар эггара технологични йола оагӀув-«АгроКоптераш», из хетаяь я саг чувоацаш йола аппараташ юкъеяхара, автоматически уж лелаяра.
Дешархоша шоаш мел кийча ба гойтар цу къовсаме дешара даькъ тӀа онлайн-тестировани яра, цига лакха толамаш гойтар, бокъо хилар ГӏалгӀайче Ерригроссийски моттигашкарча даькъ тӀа гойта. Из дӀахьоргда 2026 шера Ставрополе», - аьлар хоамо.
Белгалду, из хаттар кхоачашдеш да Российски Федераце Паччахьалкхено хьалхашка оттадаьча декхара чудоагӀаш, дешархошта юкъе агропромышленни профессена безам тӏабахийтар, технически кхоллама юкъе кагирхой бахар, иштта АПК укх заман технологеш йовзийтар да цун керттера маӀан.
