СКФО робототехниках йолча чемпионате дакъа лоацаш хилар вай мехкара дешархой
«Robo-shows 2025: бувзам чӀоагӀбеш йола шахьар» яхача робототехниках йолча СКФО чемпионате вай регион йовзийташ хилар «Кванториум» яхача берий технопаркера дешархой. Из хоам «Сердалога» бир цу моттигера.
«Шолжа ГӀалий тӀарча «Квант» яхача дешара моттиге дӀайихьар пхе даькъа йийкъа йола яхьаш. ROBBO-Scratch оагӀонга гӀолла проект кийчъеш, шин сахьата къахьийгар дешархоша», - йоах «Сердалога» бенача хоамо. «БПЛА кердадараш» яхача оагӀонга гӀолла; юртбоахаме, цхьацца хатараш хиннача моттигашка дӀакхухьача операцешка накъадаргдараш гойтар дешархоша.
Vex Tower Takeover (Векс гӀала дӀалацар) яхача оагӀонга гӀолла гӀалаш хьалъеш латтача доазон тӀа, керттерча моттигашка кубаш дӀатӀакхухьаш хилар «кванторианцаш». ХӀара гӀа баккхарах баллаш хулар царна.
«Доакъашхоех доаккхал ду оаха, аьттув болаш шоай гӀулакх дӀаходахьа низ хилба цар, кхы а доккхагӀа долча толамашка кхоачаш къахьегалда цар», - белгалдир «Кванториум» яхача берий технопарка кулгал деча Янданаькъан Салмана.
