Дзюдох Россе хьалхале къайсача, вай спортсменаш котбаьлар
Росси 21 шерга кхачанза болча спортсмений дзюдох йолча яхьашка котало яьккхар вай шин мехкахочо. Из хоам «Сердалога» бера моттигерча спорта гӏулакхех йолча министерствера.
«Екатеринбурге дӏайихьача яхьашка гулвелар мехка 73 моттигера 500 спортсмен. Яхьий кхоалагӏча дийнахьа, дошо майдилгаш йоахаш белгалбаьлар вай спортсменаш. Къамурзой Мухьмад тренер волаш кийчо яьча Султиганаькъан Ислама эшабир Краснодарера, Москвера, Нохчий мехкара, Самарера спортсменаш. Юххера а, Москвера Топсакалян Давид эшаваь, 66 кийла йолча дозалах котало яьккхар цо. Хӏаьта Саккхаланаькъан Микаила лакхерча лагӏага кхача гӏерташ, эшабир Санкт-Петербургера, Тюменера, Москвера, Ульяновскера, Калужски областера дзюдоисташ. 100 кийла дозал дарашта юкъе котало яьккхар цо. Пхьугой Илез вар цунца болх баь тренер», - дийцар «Сердалога».
