Хӏама хозаш боацачар спорта эллиной-румий латарах, Россе яхьашка котало яьккхар вай мехкахочо
19.06.2026 09:01
Эллиной-Румий оалача латарах йолча йоккхача яхьашка котало яккха аьттув баьлар вай мехкахочун Атиганаькъан Мухьмад-Амина. «Сердало» газетага из хоам бир цу оагӏонцарча министерствон болхлоша.
«Московски областе чуйоагӏаш йолча Чехово яхача шахьаре дӏайихьар из йоккха яхь, укх бетта 10-ча денгара 12-ча денга кхаччалца. 18-20 шерга кхаьчача спортсменашта юкъе белгалваьлар вай мехкахо.
Берригаш эшабаь, 77 кг дозал долчарна юкъе дошо майдилг яккха аьттув баьлар цун. Европа яхьашка дакъа лаца йиш йолаш ва из хӏанз», - йоах тхога кхаьчача хоамо.
