Гӏалгӏайчен латархо Куштанаькъан Султан Германерча яхьашка белгалваьлар
03.07.2026 15:31
«Ади-Ахьмад спортивни клубе ӏомалуш вола Куштанаькъан Султан белгалваьлар эллиной-румий латарах «Халкъашта юкъера Брандербурга Кубок U-17» Германе яхь дӏахьош.
«Эллиной-румий латархо дӏачӏоагӏвелар лакхача лагӏа тӏа дикагӏчарна юкъе. Дошо майдилг яккхара наькъ тӏа цо гойтар доккха толамаш. Из летар ялх спортсменаца, йиллача ханал хьалха из котваьлар Польшерча, Германерча, Эллиной, Эрмалой мехкашкарча спортсменел.
Хӏанз из ва дунен Хьалхале U-17 къайсача спортивни клуба сий лораде дезаш. Из яхь хургья укх бетта Баку (Гӏуозлой мехка)», - аьлар спортивни латара Федераце.
