«Севастополь» яхача тоабанца ловзаш ва вай футболист ӏаьленаькъан Бек-хан
02.02.2026 12:01
«Севастополь» яхача тоабанца толамца ловзаш ва тахан вай футболист ӏаьленаькъан Бек-хан. «Черноморец» яхача тоабанца ловзаш дикка белгалваьлар из. «Сердалога» из хоам бера футболах йолча федерацера.
«Краснодарерча Абрау Дюрсо яхача юрта шоай говзал гойташ хилар футболисташ. Хьалхара ловзар 1: 1 чот йолаш чакхдаьлар. Эггара кадайгӏа вола ловзархо ва, аьнна, хьакхайкавир вай мехкахо. 70 минот ха яьккхар Бек-хана футбола доазон тӏа. 27-ча миноте «гӏод теха бургац» чуяккха аьттув баьлар вай футболиста.
Хьалхара тайм йистейоалача хана, дикка белгалваьлар из», - дийцар тхога футболах йолча федераце. Кхелахоша белгалдечох, ӏаьленаькъан Бек-хан говза ловзаш футболист ва.
