«ПАОК» чутехача толашагӏа йолча бургаца да хилар Оздой Мухьмадах
Наджгоанцхой бетта «ПАОК» ФК толашагӏа йолча бургаца да хилар Оздой Мухьмадах. Хьожаш баьгӏараша цхьатарра белгалдаь хӏама да из.
«Греце Кубка ловзаре «Олимпиакоса» духьала вай мехкахочо бургац чутохар массабараша зувш, доаккхал деш хилар. 2:0 йолаш салоникинцашка котало кхоачаш хилар из.
Цкъа хьокхавенна, духьаллаттарий наӏарашка кӏоаргга миӏинге чутехар цо бургац. Ший тайпара сурт хилар цох, берригаш гӏовттабеш, хӏана аьлча наӏараш лораеш лаьттачун ший мел болча низаца хьежача бургацах дӏахьокхавала аьттув хиланзар», - йоах тхога бенача хоамо.
«Цу ловзаро хьагойтар, хьалхалаттарашта юкъе Мухьмад хилар геттара лоархӏаме долга. Ший гӏулакх дика шаьрдаь, лакха говзал йола футболист волга гуш ва вай мехкахо Оздой Мухьмад», - аьлар мехкарча футболах йолча Федераце президента Хьулхой Хаважа.
