ГӏалгӀай каратиста Шовхаланаькъан Илеза дика толам баьккхар Уфе
07.03.2026 22:30
ГӏалгӀай каратиста Шовхаланаькъан Илеза дика толам баьккхар массайолча тайпара каратэх Ерригроссийски яхьаш дӀахьош, яхаш, дийцар «Сердало» газетага ГӀР спорта Министерствон зарбан болх лелабеча Гӏаппархой Аишас.
«Уж яхьаш дӀахьоча 1200 совгӏа каратист венавар Россе 35 моттигера. Бокъонца йола говзал, котало яккха лаьрхӀа хилар гойтар вай мехкахочо Приволжскерча федеральни куран тӏа волаш. Илеза 54 кг дозал дарашца латаш дошув даьккхар.
«Комбат» йийллача Кубке из дикагӀа хилар 60 кг кхаччалца дозал дарашта юкъе», - аьлар хоамо.
Белгалду, из кийчваьр ва тренер Шовхаланаькъан Ӏаддал-Ӏазит.
