«Даьй оамалаш» яха спектакль гойтар мехкарча кагирхой театра актёраша
Тутайнаькъан Аьсета цӏерах йолча унахцӏенон оагӏон колледже деша багӏача студенташта, вай мехкарча кагирхой театра актёраша гойтар «Даьй оамалаш» яха спектакль. Вай къаман ӏадаташ, фольклорни тӏехьале йовзийташ болх ба ала деза цох.
Из пьеса язъяьраш ба гӏалгӏай драматургаш Горчхананаькъан Бадрудин, Сосаркъанаькъан Аьсет. Къонабарашта юкъера гӏулакхаш, оамалаш гӏалгӏай ӏадаташка, вӏаший лерхӏам хиларга гӏолла дӏагойтад цар.
Къаман фольклор юкъеоттаеш баь болх ба ала деза цох. Спектакла режиссёр волаш къахьийгар вай мехкара къаман артист Галай Мурад ва, иштта композитор волча Дзейтанаькъан Темарлана а дакъа лаьцад спектакль кийчъеш.
Белгалде деза, из болх вай къонабарашта къаман сийдола ӏадаташ, беркате гӏулакхаш, хоза оамалаш езайолийташ болга.
