СВО бӏухошта гӏон хӏамаш ийца, машинаш яхийтар
Тӏема аренашка лелача вай бӏухошта лаьрхӏа, хӏамаш яхьийтар. «Къаман фронт. Деррига а Котало бахьан!» яхача проекта низаца вӏаштӏехьадаьннад из гӏулакх. Мехкарча бизнесменаша, Даьхенах хьегаш тӏема моттигашка латтача къаман къонгех дог лазаш болча бахархоша хьаллаьцар из гӏулакх.
«Дудурхананаькъан Халид-Асхьаба HAMUS тико ханахьа талхаш боаца кхача бенна, доккха новкъостал дир цу гӏулакха хьалхаэттарашта. Иштта Шовхаланаькъан Исраила «Анайист» яхача хӏама лорадарах йолча моттиго а дакъа лаьцар цу гӏулакха юкъе. Белгалде деза, иштта вай бӏухойх дог лазаш, уж дагабоахкаш хилар лоархӏамеча декхарех долга. Коталон ди гаргадоаладе гӏерташ, шоай цӏенах хьегаш латтарий хьал аттачахьа доаккхаш хила деза вай ма могга», - дийцар «Сердало» газетага Къаман фронта моттигерча оагӏон хьалха латтача Тенканаькъан Башира.
Лакха денал, майрал гойташ латт тахан Украине вай бӏухой. Укхазара, цӏагӏара воашта могачох цар оагӏув хьаллоацаш, новкъостал лоаттадеш хила деза вай.
