Шу чакхдоалаш, болх бе йолаелар берий ши майда
Таханарча хано дӏадеххача тайпара тоаяь, ши моттиг хьайийллар берашта лаьрхӏа вай мехка ер шу чакхдоалаш. «Сердалога» из хоам шахьара администраце бир.
«Малсаганаькъан Кӏарцхала цӏи лелаеча парке хьайийллар уж майдаш. Шахьарера моттигаш тоаярах йолча программан вахаре эшараш ӏалашдарах йолча къаман проектага гӏолла баь болх ба из. Тайп-тайпарча ханага кхаьчача берашта ловза моттиг я цига. Гӏандаш оттадаь, лампаш егӏа, хоза кулг теха тоадаьд из доазув.
Шахьарерча ӏама юхера шоллагӏа моттиг «Зӏамига шахьараш, исторически моттигаш» яхача федеральни яхьашка гӏолла тоае аьттув баьннаб. Бӏарчча дезалаша паргӏатта ха дӏаяхьа, салаӏа йиш йолаш моттигаш я уж», - дийцар тха газетага.
«Наьсарен хьал тоадара тӏехьа чӏоагӏа лоархӏаме да иштта йола моттигаш бахархошта хьаеллар. Дӏахо а къахьега лерхӏ оаха бахархой; шоай берашца хьабаьхка, дог раьза долаш; салаӏа аьттув хургболаш», - аьлар шахьара да волча Оздой Руслана.
