Гӏалгӏайче кийчъеш я Наьсарен юбилейга йоккха программа
Наьсарен-Шахьар кийчлуш я ший 245 шу дузаш хилара цӏай дезде. Из дӏадахьа лаьрхӏад ардара бетта 16-ча дийнахьа, Цунна чудоагӏаш шахьара культуран цӏенна хьалхашка концерт а лургда. Цу кхетачен керте латтар да республикан культуран, туризма Министерство. Кхоллама болх вӏашагӏболлар, сценарий язъер, иллей-халхарий номераш оттаер я Паччахьалкхен Хамхой А. цӏерагӏа филармони, цун тоаба хӏанз из болх шаьрбеш я.
«Тахан концерт дала лерхӏача моттиге балха кхетаче дӏайихьар, цига дакъа лоацаш яр Паччахьалкхен филармоне кулгалхо Ӏаьленаькъан Ӏайна, Наьсарен-Шахьара мэр Оздой Руслан. Уж хьежар сцена хургйолча моттигага, цар иштта дийцар технически хаттараш», - аьлар «Сердало» газетага Гӏалгӏайчен керттерча концертни организаце зарбан болх лелабераша. Паччахьалкхен филармоне кулгалхочо Ӏаьленаькъан Ӏайнас белгалдир, Наьсарен-Шахьара 245 шу дузаш хилар лоархӏаме цӏай долга, цо дийцар дӏахьоргйолча концерта программах.
Концерт денна а ца ӏеш; шахьарах, цӏихезача нахах, тамашийнача культурни тӏехьаленах лаьца дувцаргда. Цӏайна керттера маӏан да наьсархошта, шахьара берригача хьаьшашта из дицлургдоацаш дар.
