Кикбоксингах болча къовсаме белгалбаьлар кадеташ
22.11.2023 10:53
Кикбоксингах йолча республикански яхье, лакха говзал гойташ, белгалбаьлар кадетски корпусера кикбоксёраш. Цар яьккхар пхи майдилг. Яхь дӀайихьар Йоккхача Ачалкхе, укх бетта 18-ча денгара 21-ча денга кхаччалца. Из хоам «Сердало» газетага бир кадетски корпусо.
«СКФО чемпионате котало яьккхача Беканаькъан Адама хетаяь яр из моттиг. Дошув даьккхар 5-ча курса кадет волча Цхьурой ИсмаӀала. Дото майдилгаш кхаьчар цунца цхьан курсе багӀача Янданаькъан Амира, Оздой Мовсара.
Боарза майдилгаш яьхар 4-ча курсе дешаш волча Янданаькъан Руслана, 5-ча курса кадет волча Джандаранаькъан Хаважа», - йоах тхога бенача хоамо.
