Мехкадас даькъалавийцар Гӏалгӏайчен премьер-министр, цунна еза цӏи яларца
Гӏалгӏай Республикан Кулгалхочо Келаматанаькъан Махьмуд-Ӏаьлас даькъалавийцар республикан иминистрий кабинета Председатель Сластенин Владимир, Россе Президента Путин Владимира Амарца, «Российски Федераце цӏихеза экономист» яха лакха цӏи цунна яларца. Из совгӏат тешал деш да, дукхача шерашка мехка ахчан, экономически хьал тоадара цо доккха дакъа юкъедена хилара.
Сластенин Владимир республикан Паччахьалкхенна керте латта ялх шу совгӏа ха я. Цо кулгал деш йола тоаба ший болх дика бовзаш я, Гӏалгӏайчен экономически хьал дегӏадоаладеш, лоархӏаме декхараш кхоачашдеш, вахара оагӏонцара программаш шоай ханнахьа кхоачашъеш я. Уж хаттараш иштта дика кхоачашдеш хилара бахьанаш да, цо ший болх боаггӏача тайпара вӏашагӏбелла хилар, бехктокхаме волаш хьалхашка латта декхараш кхоачашдеш хилар.
Келаматанаькъан Махьмуд-Ӏаьлас премьер-министрá ловца баьккхар, могаш волаш, иштта хьинар долаш, кхы а хьай балха даькъ тӏа толамаш доахаш, республика дегӏайоалаяра профессиональни котало йоаккхаш, вахалва хьо, аьнна. Из тешаш ва; цун балха говзало, хьаькъало Гӏалгӏайче, дика пайда а луш, дегӏайоагӏарех ергья, аьнна.
