Мехкада: Том латтача даькъ тӏара журналиста болх, лоархӏаме дакъа да вай заман журналистике
Гӏалгӏайчен Кулгалхочо Келаматанаькъан Махьмуд-ӏаьлас кхайкарал дир мехкахошка, оагӏой бетта 15-ча дийнахьа белгалдеш дола шоай профессиональни декхар кхоачашдеш бейнача журналистий Ди хиларца дувзаденна.
Ше кхайкарал деш республикан кулгалхочо дийцар, ерригача СМИ викалий денал, цар лакха балха говзал хилар, тахан латтача чоалханеча хана эггара унзарагӏа бола болх царна тӏалатташ хилар къаьстта белгал а деш. Цо аьлар, цар беш бар унзара, лоархӏаме болх ба, юкъарлонга бакъдар дӏакхачийта гӏерташ.
Иштта Мехкадас белгалдир, Россе Президента Путин Владимира тӏема журналистий балхах турпалхой болх алар, цунца цхьана цар лакха бехктокхам, денал хилар белгалдеш .
«Тӏом латтача даькъ тӏа журналистий болх дӏабахьар лоархӏаме да, цо таро лу юкъарлонна гонахьара хьал ма дарра довза, иштта малагӏа кхерам хила тарлуш ба ха», - аьлар Келаматанаькъан Махьмуд-ӏаьлас.
