Паччахьалкхен Думан депутаташца, Федерацен Совета сенаторашца кхетаче дӏахьош хилар вай Мехкада
Гӏалгӏайчен Постпредстве вай регионагарча Паччахьалкхен Думан, Федерацен Совета депутаташца кхетаче дӏахьош хилар мехкада Келаматанаькъан Махьмуд-Ӏаьла. Кхетаче дийцар «Цаӏ йолча парте» XXӏӏӏ съезда балхах, иштта вахара оагӏонцара а кхыйола а проекташ йоаржаеш, мехкашкара хьал тоадеш, наьха вахара хьал аттача доаккхаш дӏахьоча балхаца Россе Президента Путин Владимира белгалдаьрех.
Къаьстта терко йир доакъашхоша Гӏалгӏай республикан хьалхашка латтача декхарашта – унахцӏенон оагӏонцара гӏулакхаш тоадар, массадола хӏама чулоацаш йола дарбанче хьалъяр, хий цӏендеш йола моттигаш хилийтар, иштта наькъаш тоадар. Вай мехкадас белгалдир, уж деррига кхоачамбоацараш дийца ца ӏеш, федеральни оагӏонца боаггӏача боараме меттадоаладе дезилга. Цу гӏулакха эшаш мел дар вай сенаторашка, депутаташка тахан долаш да – министерствашца, цу оагӏонцарча комитетаташца болх бар.
«Къаьстта терко йир аз из болх ма хулла сихбара, республикански проекташ йоаржаеш къахьегара. Мехкарча бахархошта лоархӏамедараш чулоацаш бола болх дӏабахьара гӏулакх цунга хьежжа хургда», - аьлар Келаматанаькъан Махьмуд-Ӏаьлас.
