Хий бӏехдераш боаггӏача боараме бехктокхаме озаргба Мехкадас
Шолжа чу турбашка гӏолла начӏас дӏачуахийтара бехкебараш боаггӏача боараме бехктокхаме озаргболаш ба вай мехкадас Келаматанаькъан Махьмуд-ӏаьлас. Из деррига гучадаьннад, хила ваха вайна кӏаьнк лохаш болча МЧС болхлошта, эзараш мехкахошта. ӏалама гӏулакхех йола бокъо йохаеш дола из ийрча, цхьаккха тайпара чакхдалийта йиш йоацаш хиннача хӏаман бехкебараш иштта атта кӏалхарбаргбоацилга белгалдир Мехкадас.
«Ше вахача лаьттаца, наха цхьацца гӏулакхашта леладеш долча хица, гонахьарча ӏаламца, республикан кхоаненца иштта лерхӏам боацаш мишта хул? Хий бӏехдайташ, бахархой унахцӏено кхерамеча хьале оттаяйташ багӏараш сен уйла еш ба тахан?» - аьлар Мехкадас.
Республикан кулгалхочо тӏатехар, цхьаккха хӏаман уйла еш боацаш; иштта ӏалама, хина зе даьраш бекхам боацаш бусаргбоацилга. Из гӏулакх чакхдалийтараш боаггӏача боараме бехктокхаме озаргболгах шеко яц.
Келаматанаькъан Махьмуд-ӏаьлас тӏадилла, тохкаш латт из гӏулакх цу оагӏонцарча болхлоша. Цу хӏаман бехке мел бараш хьагучабоахаргба! Россе бокъоно дӏадеххача тайпара бехк бергба царна массанена.
