Гӏалгӏайчен керттера библиотека тоаяра болх дӏахьош ба
Шолжера Янданаькъан Жамалда цӏерах йола къаман библиотека цӏенхаштта тоаяра болх дӏабихьар 50%, яхаш, дийцар «Сердало» газетага ГӏР Кулгалхочун зарбан болх лелабераша.
«Тха декхар – из гӏишло кердаяьккха а ца ӏеш, наха деша а, салаӏа а, вӏашагӏкхетараш дӏадахьа а моттиг хилийтар да», - аьлар республикан кулгалхочо Келаматанаькъан Махьмуд-ӏаьлас, ше цу лоархӏамеча гӏишлонах дувцаш.
Говзанчаша, болхлоша тайп-тайпара къаьнара гӏирсаш хувцаш болх дӏабихьаб, хӏанз укх сахьате чура балхаш да деш латташ, иштта инженерни хьалаш вӏашагӏдохкаш да, доазув тоадеш латт.
33 шу да цу боккхача вахара кхуврчо болх бу, из моттиг я кхоллама интеллигенци, ӏилманхой тӏаозаш. Из материально-технически оагӏорахьара кердаяккхар - из дика гӏулакх да.
Из проект кхоачашъеш я, «Дезал» яха къаман проект хилар бахьан долаш. Из хьаллоацаш я РФ Президента, Халкъа программаш. Деррига балхаш даь даргда карарча шера лайчилла бетта.
