ӏаддалхой яхь дӏайихьар мехкарча КДЛ
«Дикача наьха клуб» яхача гӏо деча ганзо; культурах, спортах, туризмах йолча Магасерча моттига болхлошца; ше гӏо лоаттадерашта лаьрхӏа ӏаддалхой яхь дӏайихьар. Халача хьале долча берий дегаш хьаста, царна цхьа дегагӏоз хилийта дӏахьош болх бар из.
Дукха бераш долча, таро йоацача дезалашкара бераш гулдаьдар «Баьццара лампа» яхача проекта кулгал деча Субботина Екатеринас Пхьарчанаькъан Мухьмада цӏерах йолча стадиона тӏа. Хӏара тоабан юкъера кхо саг хоржаш дӏайихьар яхь. 7-11 шу даьннача кӏаьнкий тоабан юкъе котало Янданаькъан Саӏидага кхаьчар, шоллагӏа моттиг Янданаькъан Билала елар, хӏаьта кхоалагӏча моттиге Евкуранаькъан ӏаддал-Малик эттар.
12-17 шераш даьннарашта юкъе Ширинкин Роман котваьлар, шоллагӏа моттиг Куркъанаькъан Расула кхаьчар, кхоалагӏча моттиге Дударанаькъан Исмаӏал хилар.
Цӏечой Сафияйна дото майдилг елар, хӏаьта Евкуранаькъан Хьавайна борза майдилг ӏоэллар.
Уж ханаш яьннача йиӏигашта юкъе, лакхерча лагӏа тӏа яьлар Мартазанаькъан Дина, шоллагӏа моттиг Цӏечой ӏайнайна елар, борза майдилг кхаьчар Янданаькъан Феридайна.
Культурах, спортах, туризмах йолча моттига кулгал деча Къоастой Башира оттадир; коталон кубкаш Ширинкин Романа, Мартазанаькъан Динайна лургйолаш. ӏаддалхой Федераце Президент волча Йовлой Анзора, иштта турнира тренера, судхочо белгалдир, бераш кийчо дика яь хилар. Иштта республике из спорт йоаржаяр хьаллоацаш, могаш дола гӏо де кийча ба уж.
