ГӏалгӀайчен КДЛ могаш доацача берашта лаьрхӀа ахча гулде йолаелар
ГӏалгӀай Республикан, «Дикача наьха Клуб» яхача ганзо дӀаболабир, цахаддаш могаш доаца бераш долча аха ахча гулдеш бола болх, яхаш, дийцар «Сердало» газетага ганза хоамий говзанчас Гиренаькъан Лейлас.
«Белггала долча берашта новкъостал де йиш я «Безликие» яхача оагӀонга гӀолла. Дикача наьха клубо из гӀулакх дӀахьу «Машар хилба шун цӀен» яхача проектага гӀолла. Цу тайпара хьинардараша терко лоаттаю ДЦП, Дауна, Спина бифида (букъзӏара лазар), иштта кхы лазараш долча берашта, уж долча цахаддаш ахара. Цига шоаш бахача царна луш йола ловзоргаш, цар яьннача ханага, берий оамалга хьежжа хул, иштта лу мерза даараш, сомаш, цох берашта йоккха паргӀато а салоӀам а хул», - аьлар хоаомо.
«Бера - из зӀамига совгӀат, даьшта - уж хьаллацар, шоаш цхьаь боацилга царна хоадалийтар. Оаш деш долча новкъостало таро лургья кхаь бетта 4-6 дезал болча аха, царна уллув хила, йӀовхал яла», - аьлар «Дикача наьха Клуб» яхача ганза кулгалхочо Матенаькъан Натас.
