Магаса КДН хьожаш я аьрдагӏа бераш долча дезалашта новкъостал де
Магас-Шахьара кхувш боагӏарий гӏулакхех йолча комиссе новкъостал ду, аьрдагӏа оамалаш йола бераш долча дезалашта. Аргӏанарча кхетаче техкар цу тайпара массехк гӏулакх, уж да тӏехьахьажара доал ца деш диса бераш, яхаш, дийцар «Сердало» газетага столицан мэре зарбан болх лелабераша.
«Цига хьоахадир административни протоколаш, бокъонаш телхаеш хиларах укх РФ КоАП 5.35 статьях (даьша е цу гӏулакха бехктокхаме болча наха шоай декхараш кхоачашдеш цахилар) иштта РФ КоАП 7.27 статьях («Лоадам боаца къоал дарах»). Уж хаттараш дувцаш дакъа лоацаш хилар беррига бехктокхаме бола нах. Гуллама доакъашхоша таӏазар де дезарах дувцарал совгӏа, из зулам нийсдалара овла лехар», - аьлар хоамо.
Магаса администраце белгала ма дарра, цу кхетаче кхувш боагӏарашца, цар бокъонах болча викалашца, лаьрххӏа дола къамаьл хилар, харцахьара хӏама нийслургдоацаш.
