Шолжа-Шахьарерча КДН бехктокхаме эзар 10 дезала дай-ноаной
18 шерга кхачанза болчар гӏулакхех йолча Шолжа-Шахьарерча Комиссе кхетаче йолаш, итт дезала дай-ноаной бехктокхаме озаш моттиг хилар. Из хоам «Сердалога» бир мэре зарбан болх лелабераша.
«Кхетаче гулбенна хилар шахьара даь гӏонча йола Келаматанаькъан Танзила, (ПДН МО МВД) барайтта шерга кхачанза болчар гӏулакхашка хьожача оагӏон болхлой, дешара моттигера, мэрера цу оагӏонцарча гӏулакхех бола викалаш. КоАП 5.35 ст. гӏалатбаьннача 18 шерга кхачанза болчар гӏулакх техкачул тӏехьагӏа, цар дай-ноаной, боаггӏача боараме шоай дезала кхетам цабаларах, тӏахьожам цалоаттабарах бехктокхаме оза безилга белгалдир цига. Ворхӏ бера даьшта- ноаношта гӏод техар; хӏаьта вокхарца, цу тайпара хӏама кхы хоадалийта йиш йоацилга белгалдеш, къамаьл дир», - йоах тха газетага бенача хоамо.
«Дай, ноаной шоай дезала тӏахьожам лоаттабеш, уж шоай лоӏаме дӏахийца ца буташ, хила беза; тӏаккха хургда цар вахарера хӏама лерттӏа. Берашта боаггӏача боараме доал дара тӏахьех оаха беррига дай-ноаной! Боккъал хьожаш хила цар денош мишта, мичахьа, хьанца дӏаух!» - белгалдир ПДН болхлочо.
