Гӏалгӏайчен РДНТ тоаба дакъа лоацаш я экологически болама юкъе
Укх шерара бӏаьсти Гӏалгӏай мехка дӏахьу, йоккхача экологически белгалонца. Республике хьакхайкадаьча экологе шера чудоагӏаш, республикан машинаш лелача наькъа йистошка гӏолла 12 эзар кӏай кӏарцхала га дӏайогӏа лаьрхӏад. Цунна раьза ба республикан бахархой а. Из боккха болам дӏабахьа кийча я Республикански халкъа кхоллама, культуран кхетачений Цӏен тоаба. Культуран болхлой, бешамашка лостамаш дара леладу гӏирсаш кийчдаь, арабаьлар хьамсарча мехка куц хувцара, эшача лостам бара.
«Оаха болх дӏаболабир, Шолжа-Шахьар, Гарагорск яха юрт вӏашагӏкхетача наькъа йистера. РДНТ болхлоша укхаза лаьтта кийчдир, цхьа иттех га дӏаегӏар, цига эшаш бола доал дара болх а шоашта хьатӏаийцар», - аьлар «Сердало» газетага цу урхаллен кулгалхочо Зурабанаькъан Ахьмада.
Вай интеллигенци экологически боламе дакъа лоацаш хиларо хьагойт, ӏалам лорадара хаттараш юкъарлон теркама юкъе хилар. Халкъа кхоллама цӏен тоабан масало чӏоагӏъю экологически культура - из духхьал тӏахьехам хинна ӏац, уж да лоархӏаме гӏулакхаш, цар республика хозъю.
Кӏай кӏарцхал харжар таханарча экологически хьала белгало я. Из га дика йовзаш я; дӏалаташ, сиха дегӏайоагӏаш, модз даккхара кхоачам луш хиларца. Тӏайоагӏача хана, кӏайча кӏарцхала гаьнаша хоздергда Гӏалгӏайчен наькъаш.
