Гӏалгӏайчен кагирхой Комитето «Хьа аргӏа я хӏанз» яхача проектацара бувзам шербергба
Гӏалгӏайчен кагирхой Комитета кулгалхочо Пхьошанаькъан Зоврбика, иштта «Хьа аргӏа я хӏанз» яхача Ерригроссийски студентий проекта кулгалхочун гӏончас Бобров Максима балха кхетаче дӏайихьар. Из хетаяь яр кагирхой керттера дешаш дувцара.
«Сердало» газетага республикан кагирхой Комитета кулгалхочо ма аллара, цу кхетаченна чудоагӏаш дийцар начӏал долча кагирхой массайолча оагӏорахьара таронаш шеръярах, цу даькъ тӏа Гӏалгӏайчен доазон тӏа цхьана йоккхий кхетаченаш, боламаш дӏакхахьарах.
Керттера терко тӏаяхийтар студенташ, Гӏалгӏайчен юкъарло, кагирхой дукхагӏа юкъебаргбола таронаш вӏашагӏйохкара. Цул совгӏа, цар дийцар дика дешара хьалаш хьакхолларах, кагирхошта юкъе проекта менеджмента болх баккхарах, иштта къонача ноахалашта укх заман майдаш хьакхолларах, цар профессиональни таронаш маьхалъяхарах.
Из къамаьл дӏахьош белгалдир, дӏахо шоайла айхха бувзам лелабара болх хоадам болча боарам тӏа баккха безилга. Республике кастлуш цу хаттарех йола дешара оагӏонаш хьакхолла лаьрхӏад; яхьаш, керда программаш хьакхолларга гӏолла, цо таро лургья Гӏалгӏайчен еррига кагирхой юкъарло вӏашагӏтоха, цун низ чӏоагӏбе.
