ГӏалгӀай мехка кийчлуш ба, хьунаш цӀерах лораяра болх дӀабахьа
ГӏалгӀайчен Ӏалама Министерстве, министра Мизенаькъан Микаила кулгал деш, балха кхетаче хилар, из хетаяь яр 2026 шера хьунаш цӀерах лораяра балхаца дувзаденнача хаттарашта, яхаш, дийцар «Сердало» газетага бокъонаш лораяра боахаме.
«Уж хаттараш дувцаш дакъа лоацаш хилар хьун боахамий, хьуна цӀераш йоаяра центрай кулгалхой, уж ба паччахьалкхен хьун боахамера хьал лорадара бехктокхаме бараш, иштта хьу меттаоттаяра, паччахьалкхен реестра юкъеяккхара хьал лораде дезараш»,-аьлар хоамо.
Карарча хана кийча я хьунагӀа яьнна цӀи йоаяра план, малагӀа хьалаш цига дӀагӀоргда, нагахьа санна цӀи яьнна моттиг нийслой де дезар фуд белгалдаьд цу тӀа.
Мизенаькъан Микаила тӀадиллар, ха ца йоаеш, цӀера духьалара болх дӀабахьара хьал кийча дий, оахамаш даьхадий, хицара Ӏалашо йий хьежар. Иштта хьакхоллар сиха оперативни хьун штаб, цӀи йоаяра болх тешшаме вӏашагӏбеллабий хара. Керттера терко тӀайохийт профилактически балха, из дӀахьош хьун боахама говзанчаша бахархошта хьалхадоаккхаргда цӀи яларца мишта хила веза, республикан хьунаш лорае езилга.
Бӏаьсти хьайоалаш, деррига кийча хила деза хьалхашка латта декхараш кхоачашдара.
