ИнгГУ хьакхайкайир, российски студентий Ди долаш, видеороликий яхь
15.01.2026 15:33
ГӏалгӀай паччахьалкхен университето хьакхайкадаьд, российски студентий Ди хиларца дувзаденна, видеороликий яхь дӀахьош хилар. ИнгГУ факультеташка могадир студентий тоабашта, иштта къаьсттача студенташта юкъера вошал гойтар, кхоллама коллективашка студентий вахарера сийрда оагӀонаш ювцар.
«Студента ди- из сага оамал, болам, доттагӀал, тамашийна университета вахар да. Оаха тӏахьех ИнгГУ студентий вахарах дувца, из гойта видеороликашца», - аьлар «Сердало» газетага республикан керттерча вузе.
Роликий тема паргӀата я. Кагирхой таро я, шоай видео хӀара деннарча студентий вахара, дешара, Ӏилманна, карагӀдаьнначунна, ИнгГУ Ӏадаташта, цхьан курсерча доттагӀала, цӀайна, дешара истореш дувцара хетае.
