Тӏема сийлен музей хьакхолларгья мехкарча КСВОси «Аьрзи» батальонои
Тӏема сийлен музей хьаелла лаьрхӏа волча «Аьрзи» батальона хьалха латтача Котанаькъан Ахьмада оагӏув хьаллаца, цунна гӏо де лаьрхӏа ва мехкарча тӏема доакъашхой дезалий Комитета кулгалхо Эсамарзанаькъан ӏалаудин. Вай къаман къонгаша тӏема аренашка гойта майрал йовзийтар цар кхетаче.
«Комитето ший болх дӏаболабаь шу дизара хетабаь хургба из гойтам. Укх шерарча оагӏой бетта 25-ча дийнахьа хургья, музей хьаеллара хетаяь йоккха кхетаче. Цхьан шера из болх дӏахьош, кхоачашде аьттув баьннараш кӏезига дац. Тӏема операце доакъашхой цӏагӏарча нахаца массахана бувзаме болаш, терко еш, цар хьашташ кхоачашде кийча болаш хиннаб моттигерча Комитете», - дийцар Эсамарзанаькъан ӏалаудина «Сердалога».
Музей хьакхоллар лоархӏаме да къаьстта вай къонача тӏехьен Даьхенцара лерхӏам чӏоагӏбара тӏехьа. Кагирхошта дукха хӏама довзаргда майралах, деналах бизза болча Даьхен къонгех. Моттигерча Комитета болхлоша, «Аьрзи» доакъашхоша цхьана вӏашагӏболлаш болх ба кхоана бахархоша, иштта хьаьшаша мах оттабергбар.
