Магасера «Кванторианцаш» белгалбаьлар таьрахьий фестивале
Республикан берий «Кванториум» технопарка дешархоша дика толам баьккхар «Халкъа къахьегам: селхан, тахан, кхоана» яхача таьрахьий говзала фестивале, из дӀайихьар Шолжа-Гӏалий тӀа, яхаш, дийцар дешара моттига администраце.
«Кхаь дийнахьа Нохчий Республике йоккха кхетаче дӀайихьар «Хьалхарчар болам» яхача берий, кагирхой российски юкъарлон-паччахьалкхен боламо хьал а лоацаш. НачӀал долча кагирхоша,14 шергара 35 шерга кхаччалца ха яьннараша, шоай кхоллама начӀал гойтар, говзал йийкъар, иштта укх заман хаттараш кхоачашдара болх дӀаболабир. Цига дӀадихьар говзанча хьехамаш, проекташка болх бир, кхоллама кердадараш юкъедаха хьежар, шоай болх техкар. Фестивала чаккхе еш Республикан берий «Кванториум» технопарка гулъяьча тоабо; цу юкъе Мартазанаькъан Ӏийса, Мисловранаькъан Абубакар волаш; кхоалагӀа моттиг яьккхар», - аьлар хоамо.
Дешара моттиге ма аллара, Фестиваль хетаяь я Россе халкъа цхьоагӀон Шу хилара, из лаьрхӀа я таьрахьий говзалга гӀолла; берий, кагирхой даькъ тӀа, Россе халкъа Ӏадаташ довзийтара.
