«БПЛА лабораторе» Гӏалгӏайчен дешархой ӏомабергба дрон лелае
Гӏалгӏайче дӏахьош я «БПЛА лаборатори» яха проект, цо кхувш йоагӏача тӏехьенна довзийт пилот чувоацаш дола гӏирсаш леладара хьал. Из программа дӏахьошъяраш я Россе дронаш лелаяра Федераце моттигера оагӏув, иштта республикан кагирхой гӏулакхех йола Комитет.
«Сердало» газетага ма аллара, цу гӏулакха юкъейоагӏаш хургья еррига республикан доал ду моттигаш, цун доакъашхой хургба 9-11 классашка багӏа дешархой, иштта бӏухой бераш, лаьрххӏача тӏема операце доакъашхой а болаш.
Дешара программанна чудоагӏаш да массайолча оагӏорахьара из хьал довзийтар, цу даькъ тӏа дика практика дӏахьош ӏомавалар. Дешархой таро хургья тахан дӏаехаш йолча профессе оагӏонаш йовза, дӏахо компьютерашца болх беш аттагӏа хургдолаш, из хьалхара никъ баккха.
Цига ӏомалуча юкъа царна довзаргда FPV-лелаяра хьал, иштта дӏахьоргда говзанча хьехамаш, гӏетташ йола аппараташ лелае ӏомалургба. Из болх вӏашагӏбеллараша яхачох, «БПЛА лаборатори» хиларах, кхувш йоагӏача тӏехьен таро лу хургдолчун технологи йовза, пилота когаметта хила, авиаце даькъ тӏа хьалхара гӏа баккха, робототехника йовза.
