Гирете болх дӏахьош, археологашта куцала лелаю хӏамилг корайир
17.06.2026 09:45
Гирети яхача гӏалай юрта болх беш боахкача археологашта кхалнаха куцала лелаю хӏамилг корайир. Из хоам «Сердалога» бир «Тӏехьале» яхача тӏоговзанчий ишколе.
«Къаьнарча хана кхалнаха куцала лелаяь кӏайча аьшках хьаяь хӏамилг я малхарча каша кӏалхарча гӏата тӏа кораяьр. Из сенах, мишта хьаеш хиннай тохкаргда ӏилманхоша. Гуш да, куцала уллаеш хинна из хӏамилг ший тайпара хьаяь йолга, цун тара хӏама кораяь хиннаяц хӏанзолца. Гобаьккха гахьар дуллаш, дикка къахьийга баь болх ба из», - дийцар тха газетага.
«Вай пхьоалле хьаяь хӏамилг йолга гуш да ӏотӏахьежача, вай пхьарий болх ба из. Цу гӏулакхо хьагойт, лоаман юрташка баьха вай дай лакха говзал, начӏал долаш, тайп-тайпара хӏамаш хьае ховш хиннилга», - йоах тхога бенача хоамо.
