Салтыков-Щедрина М.Е. кхолламах литературни ловзар дӏадихьар Оалкама
«Салтыков-Щедрина М. Е. фаьлгий оагӏонашка гӏолла» яха литературан ловзар дӏадихьар Оалкама «Дешархошта лаьрхӏа культура» яха проект хьаллоацаш. Цӏихезача эрсий йоазанхочун, сатирика 200 шу дизара хетаяь яр из кхетаче.
«Яхьашта тара дӏадихьар из ловзар дешархоша. Воккхача йоазонхочун кхоллама никъ шоашта мишта бовз гучадоаккхаш бар уж. Массехк оагӏонах латташ яр кхетачен программа. Литературе цӏихезача йоазонхочо йита лар мел йоккха я белгалдир цига», - дийцар «Сердалога» кхетаче дӏахьош хиннараша.
Таханарча вахаре Салтыков-Щедрина М. Е. йоазоша малагӏа моттиг дӏалоацаш да белгалдир хьехархочо. Ши бӏаь шу хьалха къахьийгарех вале а, цун кхоллама балхаш тахан а довзаш, лоархӏаш да мехка.
Вахаре массахана нийслуш долча хӏамаех дувц йоазонхочо, цунга хьежжа массахана лоархӏаш, езаш тӏаэцаш я цун говза кхелла произведенеш.
