Россе юкъарлон палата Президиуме юхахержар амарханаькъан Лейла
Россе юкъарлон палата Кхела кхетаче хьалхалаттараш хоржаш болх дабихьар. Ма дарра аьлча, цу оагон кулгалхочунна, цун гончанна кхаж тессар кхетачен доакъашхоша, иштта Президиума доакъашхой а белгалбир. Къилбаседа Кавказа гончан болх цу оагонца да а Амарханаькъан Лейлас хьоргба.
2010-ча шера оагой бетта денз, федеральни Юкъарлон палата, мехка моттигашкарча палаташта юкъе бувзам хотташ йола моттиг я РФ юкъарлон палатай Кхел. Сага бокъонаш лораяра, меттаоттаяра техьа, иштта юкъарлон оагонцара тохкама болх чакхбоаккхаш, кхыдола лоархаме гулакхаш кхоачашдеш моттиг я из тахан.
Кхела оагонцара керттера болх дахьош я Президиум. 12 саг ва цу юкъе чувоагаш: виъ саг федеральни оагонцара, барх саг моттигашкара (цхьацца викал хара федеральни оагонгара). Ший болх боаггача боараме, бехктокхаме дахьош хиларах цу балха та юхахержай амарханаькъан Лейла.
