Гӏалгӏайчера викал ва Татренаькъан Мухьмад, Россе Минпромторге болх ӏомабеча
Москве дӏадоладелар «Федеральни болх шаьрбар» яха Россе Минпромторга ерригроссийски говзал ӏомаяра дакъа. Из дӏахьу мехка боахамий кердача кулгалхошта лаьрхӏа. Цу программа керттера маӏан - РФ моттигашка чӏоагӏа кулгалдара тоабаш вӏашагӏйохкар. Цо таро лургья моттигашкара промышленни политика кхоачашъе, цох пайда эца. Кхетаче дӏахьош Гӏалгӏайчера викал ва промышленноста, таьрахьий дегӏаахара министра декхараш кхоачашдеш вола Татренаькъан Мухьмад.
«Программа оператор я «Дешара экономикан Институт» ДПО АНО, из хьаллоац Россе ОЭЗ, технопарка Ассоциаце. Укх наькъа дакъа лоацаш ба Российский Федераце 17 моттигера викалаш, цу юкъе Гаьнара Малхбоале, Урал, Сибрегӏе, Приволжье, Къилбаседа Кавказ, Къулбехьен, Гӏибухен-Малхбузен, иштта Запорожски областа моттигаш а йолаш. Программа чудоагӏаш да очни, заочни кеп гойтар. Доакъашхоша техкад хӏанззе а промышленни даькъ тӏара хьал, цар ӏомаяьй къаман проекташ, инвестице балха оагӏонаш.
Маьтсела бетта 18-22 деношка денз, дӏахьош я Россе Минпромторга департаментаца, даькъ тӏарча ассоциацешца тематически сессеш», - аьлар «Сердало» газетага мехка Паччахьалкхено. Из деш да хӏара миӏинга промышленни таронаш дегӏайоалаяра.
Цу балха чудоагӏаш, хӏара доакъашхочо ший къаьстта йола тохкама отчёт кийчъю. Цо таро лу хӏара РФ субъекта экономически хьал дӏалархӏа.
Кийчъяь проекташ чӏоагӏъеш, юххера ди хургда «Технополис Москва» ОЭЗ флагмански майдан тӏа.
