Магӏалбика кхале дакъа лоацаш я, ерригроссийски къахьегама шоаттан юкъе
Гӏалгӏайчен Магӏалбика кхале боккха экологически болам дӏабихьар, Россе гӏишлошъяра Министерствос вӏашагӏбелла. Дерригача доал дара даькъ тӏа юкъарлон доазонаш, юрташкара моттигаш чулоацаш лостам бе лаьрхӏар.
«Паччахьалкхен, доал деча даькъ тӏарча болхлой юкъарча низаца, иштта юртхой новкъосталца дукха болх бир: цӏендир урамаш, гаьнашта кӏир техар, хьагулъяь нувхаш дӏайихьар. Цхьана дӏахьош болча къахьегамо юрта куц сийрдадаьккхар, иштта цо таро елар наха вӏашагӏкхета», - аьлар «Сердало» газетага Магӏалбика кхален администраце зарбан болх лелабераша.
Болам лаьрхӏа бар онлайн-кхадж тассара, «Вахара хьалаш» яха къаман проект кхоачашъяра. Къаьстта цудухьа белхий беш хиннараша терко тӏаяхийтар шоаш цӏенде лаьрхӏача доазонна. Цунна юкъе бар Юкъерча Ачалкхен культуран Цӏенна тӏабода кердабаьккха никъ, Дола-Коара вай заман сквер.
Белхий беш хӏара сага таро хилар ший кхален хургдолчун юкъе дакъа лаца, иштта кхадж тоссача юкъеваха, 2027 шера тоае лерхӏаш йола моттигаш хоржаш. Магӏалбика кхале ши доазув оттадаьд харжа - Юкъерча Ачалкхен Мехкдаьттхой урам, иштта Йоккхача Ачалкхен Гув тӏара урам.
