Мужечен СВО ветерана нана НЦРБ дарба деш я
«Даьхен лорабой» ганза гӏалгӏай филиало новкъостал дир, Мужеча яхача лаьрххӏача тӏема операце бӏухочун нанна дарба де. Из хӏанз Наьсарерча Бекботанаькъан Б.Б. цӏерагӏча кхален дарбанче я, яхаш, дийцар «Сердало» газетага.
«Доланаькъан Мухьмада 88 шу даьннача нанна, шахьара лорашка дарба дайтара гӏулакх кхоачашдеш хилар ганза вахара болх лелабу ӏарпенаькъан Мухьмад. Мехка унахцӏенон Министерствоца бувзаме ваьнна, из хаттар цо дика кхоачашдир. Из кхалсаг дӏахо лорашка чакхъяккха, цунна эшаш дола дарба де лорашка ӏоюжайир», - аьлар хоамо.
Тхога къамаьл даьчо яхачох, Доланаькъан Мухьмад ший лоӏамах, мехка хьашташ кхоачашдара тӏема мугӏарашка эттар, 2023 шера лайчилла бетта.
Ший яьннача ханага хьежжа доацаш, цо хьалхашка лаьтта хаттараш дика кхоачашдир. Из ше хӏанз дарба деш ва Шолжа кхален дега дарба деча даькъе.
