«Яро», ХИК клубий фински академи яьккхачул тӏехьагӏа, Латве кхаьчар из. Рижски РФС (США) дикка чӏоагӏделар цун гӏулакх: шозза Латве чемпион хилар цох ( 2023, 2024), мехка Кубок яккха аьттув баьлар цун, хӏаьта еврокубкашка «Аякса» коталон бургац чуяьккхар цо Европан Лиге. Из ди геттара белгала хиннарех да ала деза цун футбольни вахаре.

2025-ча шера, боккхача наькъ тӏа воалаш, массехк лоархӏаме гӏа баьккхар цо. Цкъарчоа кипрски «Арисагахьа» ваьлар из, цул тӏехьагӏа цу шерарча гуйран бетта Шоллагӏча Бундеслигерча немций «Нюрнберга» юкъе ловза лаьрхӏа чӏоагӏо оттайир.

Трансфера мах 2, 5 – 3 млн еврол совгӏа бар. Таханарча дийнахьа маьха эггара везагӏа вола гӏалгӏай футболист хиннав цох. 2025-ча шера Финлянде гулъяьча тоабанца ловза араваьлар из, эггара лоархӏамегӏа вола футболист волаш. ЧМ- 2026 ловзар долаш Литвайна коталон бургац чуяккха аьттув баьлар цун, геттара лакха говзал йолча ловзархошта духьала аравийллар из, цу юкъе яр Германи.

Немций СМИ эггара толашагӏа вола футболист ва, яхаш, яздир цох. Тахан 24 шу даьнна Адам Европан эггара чӏоагӏагӏа йолча лиге ловзаш ва, иштта цу оагӏонцара ший говзал лакхъеш къахьега а аьттув боал цун. Вай мехкарча кагирхошта, иштта ерригача Кавказе бахарашта дика масал да из. Зӏамигача шахьаре вахача гӏалгӏачо массанена дӏагойтад, тӏатеӏӏа къахьегаш ший говзал лакхъеш хилча, йоккхача европейски футболе кхача йиш йолга.

Хамхи Дени