«Заьзгакъонгий-Юртара вахара хьалаш хьакхоллара керттера дакъа цу юкъе дӏалоацаш ва Магӏалбика кхален депутат-единоросс ӏаьленаькъан Дауд. Цо цу юкъе дика дакъа лоацаш а, моттигерча юкъарлонца  дика бувзам лелабеш а хиларах, уж хаттараш кхоачашде таро хул. Вай юрташкара вахара кӏийле чӏоагӏъяр - из республикан хургдолчун йоллаш йола  лард я. Тхо хьожаш да, Заьзгакъонгий-Юрта дахача берий а шахьарашка дахарий санна дегӏаахара лерттӏа таронаш хилийта», - аьлар «Сердало» газетага «Цаӏ йолча Россе» моттигерча  даькъе.

Тахан Заьзгакъонгий-Юрта дика кӏийле еш латт юртарча бахархошта вахара хьалаш хьакхоллара. Депутаташа шоашта хьалхашка оттадаьча керттерча декхарех цаӏ да  моттигерча №26 йолча ишкола лорий болх кердабаккхар. Лоархӏаме да берашта, цар даьшта-ноаношта цигарча царгий лора кабинета болх дика вӏашагӏбелла хилар.

Депутата Ӏаьленаькъан Дауда, иштта «Цаӏ йолча Россе» хьаллоацаш еррига царгий лора кабинет хийцай, эшаш бола гӏирс оттабаьб. Укх заман гӏирс цу кабинете  латташ хиларо таро лу лакхача боараме, аттача хьалашка берашта эшаш дола лорий гӏулакх лоаттаде.

Царгашца дувзаденна дарба дара, хӏанз бераш шоай ишколера арадала дезаш дац. Даьй-ноаной кхален центре баха безаш бац цу гӏулакха. Массахана говзанча ший балха моттиге хилар бахьан долаш, юххьанцахьа нийслуш долча лазарашта дарба де таро я. Хӏара денна лоаттадеш дола лорий хьалаш массазарча дешара юкъедоагӏаш да, цунца цхьана таро хул кхувш йоагӏача тӏехьен могашала терко лоаттае.

Моттигерча культуран Цӏагӏа тоадара болх дӏахьош ба, цига лаьрхӏад культуран-салоӏама хьашташ кхоачашде.

Халкъа депутата Ӏаьленаькъан Дауда, иштта №26 йолча ишкола кулгалхоша шоайла бувзам лелабарах; хьалхашка нийслуш дола декхараш кхоачашде таро хул. Культуран Цӏен болх юхасоцаргбоацаш, балха моттигаш лораяра культуран болхлошта №26 йолча ишкола  даькъ тӏа моттиг нийс йир.

Цу тайпарча хьало дика толамаш гойтар. Салоӏама болх юхацасацарал совгӏа, дикагӏа дегӏабоагӏаш ба. Тахан юртарча культуран болхлоша  кулгал деш дӏахо ӏомалуш да 40 бер. Берашта лаьрхӏа я исбахьален, халхара кружокаш, иштта кхыдола кулгаговзала балхаш дӏахьош да. Хӏанзарчоа кхыча майдан тӏа болх бе безаш хиларо берашта хьаде хӏама делар шоай цӏенна гаьна доацаш. Цу масало хьагойт, ӏаьдала болх вӏашагӏбелла хиларо моллагӏча хьалашкара аравала таро лу, бахархой хьашташ хьалхарча мугӏаре оттадеш.

Баьча балхах дувцаш, Магӏалбика кхален совета депутата Ӏаьленаькъан Дауда белгалду деррига вахарца дувзаденна хаттараш, юкъе ца дуташ, кхоачашдеш  хилар: «Лоархӏаме да тоадара болх дӏахьоча юкъа а берий таро хилар дегӏааха, кхоллама болх лелабе, эшача уж хьаллаца йиш хилар. Цу даькъ тӏа тха аьттув боал цахаддаш кхувш йоагӏа тӏехье дегӏайоалае; дешара, лорий, кхоллама болх  цхьан даькъ тӏа вӏашагӏ а теха дӏабахьа.

Цу дерригане тешал ду, дикка уйла еш хьадаьча хӏамо юкъера кхоачамбоацараш дӏадоахаш хилара; цул совгӏа, керда бувзамаш леладе а аттагӏа хул».