Уж бахача фусамашка вахача, массаза а наьха дегашка ший тайпара уйлаш юс. Из болх вӏашагӏбеллараша яхачох, из кхетаче духхьал вӏашагӏкхетар хинна а ца ӏеш, дег чура  къамаьл де а боккъонца дола новкъостал де а таро луш хул. Терко лоаттаеча фусамашка кхаьчача, дӏайха дег чура къамаьл хул цар даьшца-ноаношца. Укхаза ладувгӏа, этта хьал кхетаде а хов, мел хало тӏакхаьча  шоаш  хиларах, уж раьза хул тхо тӏаэца. Иштта долча хьале керттера моттиг дӏалоацаш да бӏухой бераш.

«Тоам бе велаваларца» яхача болама керттера маӏан - юкъарлон терко ОВЗ берашта тӏайохийташ хиларал совгӏа, гонахьара дика хьал хьакхоллар, уж хьаллацар да. Болам ба, ганза филиало дӏахьоча боккхача балха цхьа дакъа, цунна чудоагӏа Даьхен бӏухой дезал массайолча оагӏорахьара хьаллацар.

Кхетаченашка дакъа лоацаш хиннача дукхача даьша-ноаноша белгалду, цу тайпара моттигаш дӏахьош хиларо берашта  йицъю хӏара деннара халонаш, царна хоадолийт шоаш цхьаь боацилга.

«Тхона лоархӏаме да бӏухой дезалашта новкъостал лоаттадар. Тхо хьож уж гӏадбига. Цхьайолча хана дег чура деш дола къамаьл, еш йола терко геттара мах болаш хул, цо сатем а дӏахо ваха низ а лу», - аьлар «Даьхен лорабой» ганза филиала вахара оагӏонцара болх лелабеча Темарханаькъан ӏийсас.

«Тоам бе велаваларца» яха болам ӏаьдала викалаша, юкъарлон цхьанкхетараша, бизнес лелаераша цхьана дӏахьош хиларах дика пайда боал,  цо сатувсилга лу из эггара чӏоагӏагӏа эшача наха.