Республиканна лоархӀаме да паччахьалкхен оагӀарахьара новкъостал дара йола программа кхоачашъяр, цо таро елар 900 гаргга лаьттан дакъа лаьрххӀача операце бӀухошта дӏадала, бейнача бӀухой дезалашта ганзо иштта новкъостал дир балха отта, салаӀа баха, санаторешка дарба де, психологически новкъостал дир.

«Эггара лоархӀамегӀдар да – наха ховш хилар шоаш укхаза теркал белга, моллагӀа дола хаттар кхоачашдара шоашта новкъостал дергдолга», - аьлар «Даьхен лорабой» ганза кулгалхочо Оздой Муслима.

Цу балха керттердар да ветеранаш хьалхагӀа шоай хиннача вахарга бахар.

Оздой Муслима яхачох, нагахьа санна хьалхарча шерашка удостоверенеш хьадалар, вахаре гӏон дола ахчаш хьаэцар лоархӏамегӏа хиннадале, тахан иштта лоархӀамегӀа дерзаш латт лорий новкъостал дар, психологически хьаллацар, балха оттавар, юридически гӀо дар, дезалашта вахарера хаттараш кхоачашде новкъостал дар.

Ӏаьдалца, лорашца, дешара урхалленашца, юкъарлон организацешца, республикан волонтёрий цхьанкхетарашца бувзам лелабаро таро лу; бӀухошта, цар дезалашта хьалхашка нийслуш дола моллагӀа хаттараш кхоачашде.

«Филиало керттера терко ераш нах ба. Вахара оагӏонцара болх лелабераш, психологаш, лораш, тха балха новкъостий – уж ба турпалхой дезалашта хӀара денна гӏо дераш», - аьлар филиала кулгалхочо.

Дӏахо дегӀаахара де лийрхӏачунга диллача, ганза тоаба лаьрхӀа я болх тоабе, новкъостал лоаттадар кхы а дикагӀа дегӏадоаладе, ветеранаш хьаллоацаш, уж маьршача вахарга баха.