Цо яхачох, Гӏалгӏайчен экономика овлангара хувцаеннай. Нагахьа санна, 2019 шера юххьанца моттигера  хьал геттара хала хиннадале – декхар 11,8 млрд сом, республикан хьатӏабоагӏача пайдал кхозза лакхагӏа дар; хӏаьта 2026 шера ӏаьдала таро хилар из хьал хувца. Тахан, деррига а паччахьалкхен декхар 3 млрд сомага кхоачаш лаьгӏденнад.

Хьалхагӏа Гӏалгӏай Республикан кулгалхочо Келаматанаькъан Махьмуд-ӏаьлас мехка экономикан таронех дувцаш белгалдир, Гӏалгӏайче дикка дегӏайоагӏаш хилар массайолча оагӏорахьа. Промышленноста йоккха проекташ кхоачашъеш, АПК, туризм чӏоагӏлуш йоагӏа, цунца цхьана республикан таронаш, наьха вахара хьалаш тоалуш доагӏа.

Вешкаранаькъан Темарлана ше къамаьл деш белгалдир, ахчан хьал  чӏоагӏлуш да,  бюджет нийса лелаеш хиларах, иштта РФ ахчан Министерствоца  айхха бувзам а лелабу.

Цу юкъе лоархӏаме дакъа дӏалоацаш хилар ший доалахьара пайда беш йола оагӏув чӏоагӏъяр – цу юкъа цу даькъ тӏара таро  совъяьлар 2,6-зза. Цу тайпара толам баккха таро хилар чурча таронашта «инвентаризаци» ярах. Цунца цхьана дӏабихьар йоала политика болх, цо таро елар  кхо эзар совгӏа шоай доалахьара хӏама леладеш дола боахамаш гучадаха, уж а болабелар республикан бюджетера хьал тоаде.

Говзанчаша белгалду, Гӏалгӏайчен доалахьарча ахчан хьало, тахан дукха хаттараш дӏакъовла таро лу. Цул совгӏа, совдаьннар вахара даькъ тӏара хьал дегӏадоаладара, инвестице проекташ кхоачашъяра   дӏадахийта а йиш я, из цхьаккха тайпара де йиш йолаш дацар 2019 шера, вайга дукха ӏаьдала декхар доаллаш хиларах.