Цу бера наггахьа мара нийслуш доаца лазар оттадир лораша: висцеро-абдоминальни синдром оал цох, чен хулаш да из. Кхыча беса аьлча, цун кер чу йоахкаш хила еза чураш, наькха улга кӏалха йоахкар, цар шоай аргӏагӏа дог а пехкаш а тоӏадаь лоаттадора. Из хьал чоалхане  хилара бахьан дар, чураш шоай моттиге йоахкаш цахилар.

Хьал чоалхане дар аьнна доацаш, мультидисциплинарни лорий тоабо сиха болх бир. Цар, кхы тӏехьа ца тотташ, эггара чоалхане бола диафрагма хувцара болх дӏабихьар. Хирургашта хьалхашка нийсденна декхар аттачарех дацар, уж бар араяьнна чураш шоай моттиге дӏаоттаярал совгӏа, наькха улг дола моттиг  а меттаоттае езаш. Къаьстта хала дар, уж чураш шоай моттиге дӏахувшаш цахилар, хӏана аьлча кхы а дегӏаена яланза яр маьженаш, цудухьа хала бе безаш  болх бар из.

Ираза, лорий говзал лакха хилар бахьан долаш, операци дика чакхъяьлар. Эттӏа яьчул тӏехьагӏа а,  хьал кхы чоалхане ца дерзаш, дӏадахар гӏулакх. Бера а мегар цу халонна духьалъотта, хӏанз из йиӏиг меттайоагӏаш я.

Гӏулакх дика чакхдаьннилга ховш да, цо ше садоахаш хиларах.

Тахан тешшаме ала йиш я, йиӏига вахар кӏалхардаьккхад. Из хӏанз цӏаязъяьй, хӏана аьлча кхы цун могашала кхерам болаш хӏама  дац.